Etxebizitza Dekalogoa

1. Politika

Publikoaren gainetiko pribatuaren inposizioak, kosta ala kosta botere ekonomiko ezberdinengatiko etekinen bilaketak eragindako egungo krisi egoeran, politikaren, publikoaren papera, komunitatearen garatze eta ongizatearen ardatz egituratzaile posible bakarra bezala aldarrikatzen dugu.


2 Parte-hartzea

Ezinbestekoa da hiritar parte-hartzea eta gizarte agente ezberdinen inplikazio globala, ekintza estetiko eta propagandistikoez gaindi, politika publiko ezberdinak inplementatzeko, lokal eta udal esparrutik global eta orokorrenera.


3 Burujabetzea

Helburu publiko utziezina da gure gizarteko pertsona ororen bizitza egitasmo ezberdinak ahalbidetzea, pertsona gazteenak bereziki, dagokien sektore-politikatan era egokian jaso beharrekoa.






4 Jasangarritasuna

Ingurumenari dagokionean jasanezina den eredu produktibista neoliberalak porrot eginda, neurri eta ekintza ezberdinak ezartzean ingurumenaren ikuspuntutik gaurko eta etorkizuneko kostu eta onurak faktore erabakigarriak izango diren beste eredu bat abian jartzeagatiko aukera egiten dugu.





5 Eskubide Unibertsala

Politika publikoen ekintza guztien ardatza eta erabateko lehentasuna pertsona ororen etxebizitza duin batera iriste eskubide subjektiboa bermatzea izan behar da, alokairuan, bere bizitza ingurunean eta norbanakoaren ahalmen ekonomikoetara egokitua (inolaz ere diru-sarreren %30 baino gehiago).


6 Alokairua

Eskubide hori asebetetzeko politika publikoek arreta esklusiboki alokairuko parke publiko indartsu bat eratu eta antolatzean jarri behar dute, askotan eredu bezala hartzen ditugun Europako herrialdeen parte handi batean jadanik gertatzen den bezala.


7 Etxebizitza hutsak

Eraikitzearen ordez jadanik eraikia dagoen hiria birgaitu eta leheneratu, etxebizitza hutsen eta erabilpen eskaseko sekulako kopurua mobilizatuz, sustapen-neurriak zigor-neurriekin bateratuz.


8 Zerbitzu Publikoa

Erakunde ezberdinen arteko koordinazio eta elkarlana (Udal, Foru Aldundi, Eusko Jaurlaritza), gizarte agenteen parte-hartze aktiboa bezalaxe ezinbestekoak dira izaera erreferentziala duen Etxebizitza Zerbitzu Publiko batean bilduak egon behar diren politika publiko eraginkorren garapenerako.


9 Aurrekontua

Asmo handiko apustu hau abian jartzeko baliabide publiko beharrezkoen premia dauka, osasun eta hezkuntza eskubideak bermatzen era arrazoizkoan inbertitutako (gastatutako baino hobe esanda) kopuru eta portzentajeak erreferentzia gisa hartuta.


10 Zergak

Apustu global hau finantzatzeko tresna ezinbestekoa, 180ºko bira bat eman beharko luke, zerga-gastua (kenketak) deitzen dena ezabatuz eta esfortzu zuzenak biderkatuz, alokairuaren sustapen eta etxebizitza hutsen mobilizaziorako zuzendua.




Ondorio

Zerrendatutako printzipio eta konpromisoetan oinarrituz, zeharkako izaera duen akordio politiko eta sozial bat aldarrikatzen dugu, etxebizitzak arazo pertsonal eta kolektiboa izateari utz diezaion lor dezan, pertsona orok iriste normalizatua duen eskubide bat izatera pasa dadin.

Erakunde eta administrazioen osotasunak era koordinatuan lan egin dezatela, interes partikular eta alderdikoietatik urrunduak interes orokorra eta zuzenbidearen bermea guztiaren gainetik jarriaz. Horretarako, premia larrikoa da era eraginkorrean etxebizitzarako eskubidea bermatzen duen lege bat garatzea.